Ìtiri - Eris note, 2 de freàrgiu, fache a sas 10, sos carabineris de s'istatzione ant arrestadu a Salvatore Salaris, de 45 annos, disocupadu e pregiudicadu, pro lesiones personales e guida suta de s'influèntzia de s'alcol. S'est presentadu in caserma imbriagu in chirca de unu maresciallu inesistente. Su militare in servìtziu l'at naradu ca no esistiat perunu maresciallu cun cuddu nùmene e tando Salaris si nch'est andadu a pee, ingiuliende·lu. A pustis de un'iscuta est torradu in màchina andende a in antis e a segus in pratza de sa caserma.

Su graduadu est essidu e l'at cumbidadu a parchegiare, ma s'òmine est faladu dae sa màchina e l'at agredidu. Paris cun unu collega però su miltare est renèssidu a nche lu leare a sa càmera de seguràntzia. Su Carabineri, meigadu in su prontu sucursu de Thàthari, at a sanare in 5 dies. A Salaris custu mangianu l'ant cunvalidadu s'arrestu e su giùighe l'at cundennadu a s'òbligu de firma.

Condividi questo articolo