Istentinas - Sos operadores turìsticos de sa bidda tenent tempus finas a su 9 de freàrgiu pro intregare su materiale istitutzionale chi cherent a espònnere e a distribuire in sa Bit de Milanu. Sa Comuna at a èssere presente che a semper in sa fiera internatzionale de su turismu dae su 18 a su 21 de freàrgiu pro promòvere su territòriu. S'assessoradu a su turismu ammentat a sos operadores chi podent intregare su materiale a s'Ufìtziu turìsticu in carrera Sassari 123. Sos oràrios sunt dae su lunis a su sàbadu dae sas 9,30 a sas 12,30 e su martis, sa giòbia e su sàbadu finas dae sas 15,30 a sas 17,30. Su servìtziu ofertu dae sa Comuna est de badas.

Pone a cumone custu artìculu