Thàthari - Eris sero 5 de freàrgiu agentes de sa Setzione Volantes ant arrestadu a Vincenzo Carta, de 55 annos, pregiudicadu. Carta aiat postu fogu a un'Ape, in Predda Niedda, pensende chi fiat de sas 3 pessones chi l'aiant furadu una roda dae su mezu suo, semper un'Ape. Carta giughiat una càvana in manos cando una volante, paris cun una patùllia de s'istradale chi aiat bidu su fogu dae sa superstrada, l'at atzapadu acanta de sa moto brusiende. Nche l'ant leadu a Cuestura a disponimentu de s'autoridade giuditziària.

Su Cuestore Palermi at revocadu su portu de armas a sas pessones chi fiant cun Mario Turturu e Gianfranco Pirina, su primu mortu e su seguntu fertu, in un'intzidente de cassa su 17 de ghennàrgiu in Logusantu. Su disponimentu est istadu leadu isetende su protzessu penale chi devet istabilire sas responsabilidades.

Pone a cumone custu artìculu