Aristanis - Sa Comuna at publicadu 3 bandos in favore de sas famìllias bisongiosas pro 590 mìgia èuros. Su primu previdet sussìdios pro sos nùcleos familiares o sas pessones in cunditziones de povertade. Su segundu previdet s'erogatzione de cuntributos pro abbàtere sos costos de sos servìtzios essentziales: afitu, lughe, tarsu, abba, callentamentu, asilos nidu. Nde podent benefitziare sos nùcleos familiares cun rèdditos bassos. Su de tres previdet s'erogatzione de sussìdios pro su servìtziu tzìvicu comunale, est a nàrrere sussìdios a càmbiu de atividades de traballu in sas istruturas pùblicas, in sas àreas birdes e in s'assistèntzia a malàidos e a betzos. Sas domandas cherent presentadas intro de su 19 de freàrgiu. Sos mòdulos sunt disponìbiles in s'Urp, in s'Informacittà e in su situ de sa Comuna. Podent partetzipare sos residentes ebbia.

Pone a cumone custu artìculu